"التواصل" بعد إبقاء التأشيرة الروسية: "فين مصر يا سيسي"

سادت موجة من السخرية اللاذعة عبر مواقع التواصل الاجتماعي بين النشطاء المصريين، عقب إصدار الحكومة الروسية، الاثنين، قرارا بإعفاء 18 دولة من الحصول على تأشيرة دخول لروسيا من بينها تسع دول عربية، مصر ليست منها.

وأوضحت الحكومة الروسية في بيان؛ أن هذه الدولة هي الجزائر والبحرين وبروناي والهند وإيران وقطر والصين وكوريا الشمالية والكويت والمكسيك والمغرب والإمارات العربية المتحدة وسلطنة عمان والمملكة العربية السعودية وسنغافورة وتونس وتركيا واليابان، علما بأن القرار يقتصر على دخول أقصى الشرق الروسي فقط، في محاولة لتشجيع السياحة في تلك المنطقة.

وتعقيبا على القرار، سخر الصحفي مصطفى الحسيني قائلا: "تركيا وقطر! إيران والصين! حتى الهند والمكسيك! فين مصر؟! فين مصر يا سيسي؟! حتى بوتين اشتغلك؟! لو منك يا بلحة أرجع في البيعة بتاعة المحطات النووية وأفرتك الجاكت حتت وأنزل صورة على انستجرام مع هاشتاج #سأنتقم_بشدة".

وعلق خالد أحمد: "احنا دولة خارج المنافسة في كل حاجة، احنا شعب غريب على كوكب الأرض، بلحة مش عارف يدير أي حاجة وطبلت على دماغه من أثيوبيا ومن بوتين ومن السودان ومن السعودية ومن أمريكا وإسرائيل ومن الشعب نفسه اللي ساخط عليه عاملينا مشاكل ومصايب في كل مكان هو والإعلاميين اللي بيطبلوا وراه".

وسخر محمد النمر: "ليه ياعيني دا حتى لبس السويتر بتاعك يا بوتن يخونك الليالي اللي قضاها معاك على سرير الحرية والديموقراطية يا خاين".

وعلقت عايدة زاهر: "احنا كفاية علينا الجاكت". 

وقال أحمد شوقي: "المفروض يبنوا حوالين مصر سور ويعملوها حجر صحي وتسلم الأيادي".

وأضاف علاء الدين أيوب: "روسيا أهانت مصر بما فيه الكفاية، اقفلوا الباب ده، روسيا بتقرأ سياسة مصر وفاهمة حالة التخبط والفشل في الداخل والخارج وبيتصرفوا علي هذا الأساس".

وقال عبد الرحمن محمد: "أجل يا بلحة ده احنا سلمناهم مفاتيح الشقة ومش عاجبهم برده".

وأوضح رأفت المهدي سبب عدم انضمام مصر للقائمة: "هما عاوزين بلاد معاها فلوس تصرف في السياحة، دولة بلحة بتشحت".

وقال أسامة علي: "أكيد طبعا هو احنا بقى لينا أي قيمة في بلدنا عشان يبقى لينا قيمة برا".

وسخر محمد السيد: "هتعمل ايه تأشيرة روسيا لشعب وطنه ضايع". 

وغرد عادل سليمان: "هي روسيا استحاله تفتح التأشيرات لي مصر أو لأي دولة فيها نسبة فقر، ده البلد كلها تبقى هناك من أول يوم".