هكذا يمهد إعلاميو السيسي لفرض ضريبة على الدخل (شاهد)

طالب الإعلامي الموالي للانقلاب في مصر، عمرو أديب، بفرض ضرائب تصاعدية على الدخل للمواطنين، لمدة خمس سنوات.

وفيما اعتبره النشطاء "تمهيدا" لفرض ضريبة جديدة على الدخل، قال أديب خلال برنامج "كل يوم" على فضائية "On E"، الثلاثاء: "أي دولة في الغالب يكون دخلها من حاجتين: داخلية وخارجية.. غاز أو بترول، أو ناس تيجي من بره تحط عندك فلوس، يا إما ضرائب ورسوم".

وأضاف: "انطلاقا من النفي القاطع لوزير المالية أن صندوق النقد لم يطلب من مصر فرض رسوم تصاعدية، أنا أتساءل: لماذا لا يكون هناك ضرايب تصاعدية في مصر؟ ما تاخدوا مننا فلوس!".

لا يوجد استثمار في البلد

وتابع الذراع الإعلامي المقرب من الانقلاب: "ما تاخدوا مننا فلوس يا جماعة، كل واحد دخله يزيد يدفع أكتر، إيه المشكلة؟ بصراحة أنت مش عندك استثمار لحد الآن". واستدرك قائلا: "آه عندك استثمار، لكن مش الحاجة اللي تعملك منظر، مش الشيء اللي تقول عليه حاجة مهمة".

ضرائب على المواطن وليس الشركات

وأكد أديب مرة أخرى على فرض الضرائب على المواطنين وليس الشركات قائلا: "طيب ما تاخد فلوس من الناس، أنا مش بتكلم عن فرض ضرائب على الشركات لأنك لو اتعمل على الشركات ده هيعمل تضخم والشركات هتحملها على الزبون".

لو مدفعتش البلد هتولع

وتابع: "أنا بسأل ليه لأ ما دام أنت بتعمل دخل وبيزيد، دخلك كل ما يزيد ضرايبك تزيد. في دول في أوروبا ضريبة الدخل واصلة لحد 45 في المية.. هتقولوا أنهم هناك بياخدوا خدمات وتأمين صحي، أنت هنا بتدفع تمن حاجة مهمة جدا التكافل الاجتماعي أنت لو مدفعتش البلد هتولع".

"خذ من أموالهم صدقة تطهرهم"!

وفيما اعتبره النشطاء توظيفا للدين في غير موضعه، قال أديب مستشهدا بالقرآن: "خذ من أموالهم صدقة تطهرهم، لو مدفعتش البلد هتولع، خد من الناس اللي معاها وادي للناس اللي مش معاها".



الحكومة تنفي

وعقب حديث أديب الذي أثار لغطا على مواقع التواصل الاجتماعي، أعلن مركز معلومات مجلس الوزراء؛ أنه تواصل مع وزارة المالية؛ وأكدت بدورها أنه لا نية لتعديل قانون ضريبة الدخل خلال العام المالي ‏الجاري (2017-2018)، وأن كل ما يتردد حول هذا الشأن "‏مجرد شائعات لا أساس لها من الصحة".‏

أفراد الجيش والقضاء والشرطة أولا

وعبر مواقع التواصل الاجتماعي، قال إبراهيم المصري تعقيبا على حديث أديب: "لا بلاش ياخدوا من الغلابة بس يخلوا رواتبكم أنتم يا حرامية عادي، يعني أحسن دكتور جامعة بياخد 5 آلاف جنيه في الشهر لا خليهم 12 ألف جنيه يا عم والباقي يروح لمصر تحيا أو تخرب زي ما أنتم خربنها..".

وقال هاني أحمد: "الكلام الصحيح والأنفع ليه الحكومة مبتخدش من اللي من زيك وأشباهك".

وكتب أحمد أبو كرم: "ربنا ينتقم منك ومن أمثالك هي الناس لاقية تاكل، الأزمة الاقتصادية دي على الناس الغلابة بس، والكلاب اللي زيك مش بيساهموا فيها، اتنازل عن كل فلوسك أنت والست بتعتك والحرامية من أمثالك اللي وكلين البلد وهي هتتحل خلوا عندكم ضمير شوية منكم لله الحيوانات بتفهم وتحس أكتر منكم".

وعلق حجازي السيد: "أنت طبعا معفي من الضريبة دي علشان ظابط إيقاع وبتطبل كويس! ضرايب إيه تاني؟ الأسعار ولعت إلهي تولعوا بجاز وسخ".

وعن أفراد الجيش والشرطة والقضاء، قال سامي سعيد: "عندك حق، المفروض تاخدوا فلوس من كل من زاد مرتبه عن عشرة آلاف جنيه، وكل القضاة والمستشارين وضباط الجيش والشرطه والوزراء ووكلائهم والفنانين والراقصات والمذيعين، ومش تيجي على الموظف الغلبان اللي مرتبه لا يتعدى الألفين جنيه وتقوله ادفع تبقى نظام معر*".