مطالبات أممية لتونس بوقف القيود المفروضة على القضاة

انا واحد مالشعب التونسي مليت من نظرية المؤامرة اللي اصبحت كيف اللوبانة. القائد العام للقوات الحاملة للسلاح الكل وعندك دواليب الدولة الكلها تحت تصرفك اكثر من 400 يوم شنوة برامجك الاقتصادية,اعطينا دوسي واحد تفصل فيه لصالح المطحونين. مشيت للسلطنة عزيت و عزيت بريطانيا اما الشباب و العوائل اللي يلفظ فيها البحر بصفة شبه يوميه فلا عزاء لهم. عطلت قانون ادماج اصحاب الشهادات وقلت مؤامرة. دخلتنا في حروب محاور مع الشرق والغرب، التونسي كان بقيمتو بين الشعوب العربية الكل. الامارات استثمرت 10 مليار دولار مع اردوغان وقطر 5 ملياردولار مع عرابك بلحة. حربك الايديلوجية الاستاصالية ضد المعارضة بمعاول الهدم الماجورة داخليا وخارجيا من اعلام مجاري,ازلام الدولة العميقة,ايتام فغنسا واليسار القومجي الحقود...لن تجدي شيئا ولا نفعا مجرد مضيعة للوقت واستنزاف للموارد ان وجدت. اكبر اعداء الشعب هم كل مرتشي وخائن لامانة و مخالف لقانون و مرتزق و معطل لاجراءات و فاسد و مفسد من شرطي و ديواني و نقابي واعلامي وبارونات الكنتراو تاجر ووسيط بيع و رجل اعمال وعامل نظافة وموظف اداري و مقاول... كفاك استهزاءا بالمواطن البسيط الكادح المطحون وبالله يزينا من الشعارات الجوفاء الشعب يريد وانت صرفت صرفت نزل مرسوم امنع فيه استعمال كلمتين "الشعب" و " تونس" من اي مسميات حزبية او جمعياتية. وما فيها باس انت قريت الكتب الكل اللي قراها ماكرون معنتها عندك وقت للمطالعة. ما شاء الله اللهم لاحسد شهريتك 30000 دينار اشري لاب توب باهي وباقة نات لامحدودة وافتح الشيخ غوغل والا اليوتيوب واسمع لمحاضيرمحمد, محمد يونس,دجاك ما,ريتشارد برنسون ,بيل جيتس,ماسك,زوكربيرج,بيزوس,جوتام,لاكشمي ميتال...علماء وادمغة تونس بالمهجر ثروة وطنية و خاصة شباب تونس المتفوق على جميع الاصعدة,ما فيها باس تواصل معهم افكارهم من خارج الصندوق النمطي اللي وضعت نفسك فيه مع زمرة من المتحذلقين بغية التموقع والمصلحة الذاتية. غير البطانة الانتهازية اللي حولك قبل ما يلفظوك بعد انتهاء دورك. انا صوتلك مرتين على اساس تكون رئيس للتوانسة الكل واب جامع للعائلة التونسية من كل المشارب لكن انت بخطابك المتشنج رجعت النعرات الفئوية والعروشية اللي عرف بورقيبة كيف يدمجها واصبحنا شعب متجانس من طبرقة لبرج الخضراء لكنرحاليا السب والشتم والثلب اصبح علنا على المنصات لانك قاعد تنفخ في الكير منذ تمكنت من مقاليد السلطة. لو دامت لغيرك ما الت اليك.