بكار: أسماء البلتاجي "قتلت لأنها صدقت خداع والدها"

صرح نادر بكار أن ابنة البلتاجي قتلت لأنها صدقت خدعة أبيها، وأن كل قيادات الإخوان تم القبض عليهم خارج رابعة بحسب قوله.

وقال بكار على فضائية "صدى البلد" إن "قادة الإخوان هم أول من هرب أثناء فض اعتصام رابعة".

وأردف "الإخوان يدعون أن المساجد أغلقت، أين المساجد التي أغلقت؟ الدعوة شغالة في مصر والدروس موجودة والمساجد مفتوحة"، وأضاف "يوم مذبحة الحرس نددنا وتكلمنا وأنكرنا وكتبت مقالة بعنوان مذبحة الفجر".

وقد أثارت تصريحات نادر بكار استنكارا شديدا لدى النشطاء على مواقع التواصل الاجتماعي؛ حيث قال الناشط نضال محمد "يعني والله أنا كنت من أواخر الناس اللي خرجت من مسجد رابعة على الساعة 6 يوم مجزرة الفض، وأنا خارج من بوابة مستشفى رابعة كان الدكتور البلتاجي داخل على المركز الإعلامي وكان واحد معاه غطى حاله علشان يحميه من الرصاص، وكانوا داخلين المركز الإعلامي علشان جثة أسماء ".

وعلق محمد خشبة "الدقيقتين دول ماعتقدش حد "إنسان" فضلا عن شخص ملتزم ممكن يقولهم، أولا لو فرضنا إن الإخوان ضاحكين على شبابهم ومنهم "أسماء البلتاجي" رحمها الله. نادر نفسه بيقول :"و سبتهم هما في الميدان يتلقوا الرصاص بصدورهم"، يعني عارف إن الشرطة و الجيش همّا إيللي قتلوا، والشباب تلقوها بصدورهم مش بسلاحهم، وبعدين بيقول في الآخر مسألة قتال الجيش والشرطة عمره ما هيكون جهاد في سبيل الله -وأنا على فكرة ما بقولش نشيل سلاح ضد الجيش والشرطة عشان كلامي يتفهم صح- لكن بتدافع عن الجيش والشرطة أوي كده ليه وانتا اعترفت ضمنيا إن همّا إيللي قتلوا!".

وأردف محمد "وبعدين يقول إن كل قيادات الإخوان اتمسكوا فارّين!!! يا بجاحتك يا أخي! وهمّا الوقتي بيتعمل فيهم إيه في المعتقلات همّا و أهاليهم!!! هوّا ده شخص بيحسّ!!! و بعدين بيقول "انتا كنت بتحرض علانية على الإخوان!!! طب يا حيليتها ماتكلمتش على علي جمعة وكريمة ومظهر شاهين وميزو ليييه !!! ماشفتهمش بيحرضوا خالص!! ما سمعتش مثلا "طوبى لمن قتلهم و قتلوه" و"فتاوى الطلاق"!!! ومن الآخر لو الإخوان غلطانين.. كده كل كلام بكّار ده بيحاول يطلّع الجيش والشرطة ملايكة والإخوان شياطين!!! و حسبنا الله و نعم الوكيل".