لهذا السبب قرر الزمالك الانسحاب من الدوري المصري

الزمالك غلطان من ساسه لراسه وموش فاهم مود المجتمع وهو إن الجيش هو الكنج وهو اللي لازم يكسب لأنه هو اللي حاكم البلد ولازم هو اللي يكون في قصر الرياسة وهو اللي في البرلمان وهو اللي يرقص في الملعب وكلنا نترقص منه وبمزاجنا ! وهو الذي يحتل الميادين غصب عن عين البلدية مكان باعة السلع التافهة ويبيع لنا لحمة وخضار وفراخ محقونة ! الزمالك لازم يرجع الدوري ويعترف بهزيمته من الجيش ولو موش عاجبه سيصنف علي إنه كيان إرهابي والقضاء عندنا في الخدمة وشوف بقي لما تتعامل ككيان إرهابي لا حتعرف تبيع أو تشتري لعيبة ولا حتقدر تلعب ولا حتي في ودانك ! وأقترح علي باقي الأندية أن تتنازل عن الدوري هذا العام بالتزكية لطلائع الجيش .. عايزين نعيش في سلام وهدوء ونسمع مزيكا كلاسيك وكون إن حد يفكر إنه يكسب الجيش بعد كده حيبقي واهم وعايش في ( حلم ليلة صيف ) !