"#صبح_على_مصر_بفكة".. بعد خطاب السيسي

تفاعل النشطاء مع كلمات قائد الانقلاب العسكري في مصر، عبد الفتاح السيسي، عن رغبته في الاستحواذ على "فكة" المعاملات البنكية للمصريين وأنها سوف تدخل "الملايين" إلى البلاد، حيث أطلقوا عدة وسمات على وسائل التواصل الاجتماعي، منها "#صبح_على_مصر_بفكة"،  على غرار حملة "صبح على مصر بجنيه" قبل أشهر.

وخلال كلمته أثناء تسليم شقق لأهالي منطقة غيط العنب بالإسكندرية (شمالا)، الاثنين، قال السيسي: "أنا عايز فكة معاملاتكم البنكية هتفيد البلد وهتعمل ملايين أيوة والله صدقوني، يعني لو واحد بيصرف شيك بـ1255 وشوية فكة، ناخد الفكة دي وتحقق رقم كبير جدا ونحطها في حساب لصالح البلد".

وتابع: "يعني مينفعش ناخد الـ .. يعني معرفش تعملوها إزاي، اللي هي الـ50 قرش و80 قرش والجنيه وأي حاجة اللي في المعاملات، وتتحط في حساب لصالح حاجة زي كده، لو سمحتوا أنا عايز الفلوس دي، إزاي أخدها أنا معرفش، عشان نحطها للااااه.. أمال ايه.. أيوا".

وأردف: "الناس في مصر عايزة تساهم بس الآلية فين، يعني هوصل اللي أنا عايزة أقدمه ده إزاي، مش قادر مش عارف، تحيا مصر؟ ماشي، الجمعيات الخيرية؟ بس في آلية أقوى، انت بتتكلم في معاملات لـ20 أو 30 مليون إنسان، لو كل واحد الفكة دي 90 قرش أو جنيه.. يبقى بتتكلم في 10 أو 12 مليون جنيه، ممكن يبقوا رقم مع عدد المعاملات".
https://www.youtube.com/watch?v=f-Xpt6-re2g

#صبح_على_مصر_بفكه و #السيسي_فكة

وفور انتهاء كلمة قائد الانقلاب، انطلقت الوسوم الساخرة على تويتر وفيسبوك، وتصدر هاشتاج "#صبح_على_مصر_بفكة" و"#السيسي_فكة" و"#سيبولي_الفكة"، قائمة أعلى الوسوم تداولا على مواقع التواصل الاجتماعي.

وعلق الاعلامي المصري أسامة جاويش بالقول على فيسبوك: "على طريقة سائق عربة أجرة أو شحات في شوارع القاهرة الجنرال المهزأ يواصل خططه الاقتصادية الفذة لحل أزمات مصر على طريقة #سيبولي_الفكة".

وقالت الناشطة السياسية ماهينور المصري، المفرج عنها مؤخرا: "واحد شحط زيك.. قاتل.. ساجن.. قامع وبتشحت شوية فكة.. ربنا يسهلك يا عم.. ده ايه الديكتاتور العرة ده".

وكتبت الناشطة منى سيف: "كرمشوله حاجة كفاية فضايح".

وقال إسلام علي: "واحد رفع الروح المعنوية بـ70 مليار بمشروع ملوش جدوي اقتصادية جاي بيقول لنفس الناس  دي صبحوا عليه بجنيه وهاتوا الفكة عايزها".

وقالت أسماء محمود: "المشكلة هو خلص زيارة #غيط_العنب من هنا والحداد اشتغل علي ناس غرقت من أيام والله افتكرت حصلت مصيبة جديدة.. طلع الحزن بأثر رجعي".

وتساءلت ليليان وجدي: "طب الكلام ده بيتراجع ولا هو وليد اللحظة ولا احنا في كابوس مش عارفين نصحى منه ولا ايه؟".

وقال عاطف حبيب: "طيب يسأل محافظ البنك المركزي بتاعه اللى طبع 30 مليار علشان أزمة الفكة (فشخوا الأسعار) وجاي عايز الناس تسيبله 20 مليون جنيه فكة".

وتساءل عادل عطية: "بستغرب سايبين الملايين مع الي سرقوا ونهبوا البلد وبيدورا علي الي في جيب الغلبان! بالمناسبة ايه اخبار قضية #فساد_القمح".

وغردت فاطمة نور على تويتر: "سيبولي الفكة،  ايه بس ياعم انت المفروض رئيس الدولة مش باعتينك تجيبلنا حاجة ساقعة".

وعلق أحمد صلاح: "آخد الفكه منكم ألمها على بعضها.. أجمدها ميات ومتينات وأديها للجيش وأطلع اهددكم بيه وأقولكم تانى #هاتو_الفكه".

وأضاف أحمد عبد الحليم: "وده كده الجنيص اللي فيهم كل تفكيره ازاي يقلب الناس في فلوس. احنا بندار بعقلية سواق ميكروباص والله لنا الله".

وقال محمد صابر: " شاهد قبل الحذف.. شحات يصل لمنصب رئيس الجمهورية في إحدى الدول النامية في شمال أفريقيا".

وتعجب حازم مالك قائلا: "مش كفاية عليه اللي نهبه فاضل يطلب مننا نسيب مرتباتنا لمصر بتاعته".