ما حقيقة منع أهالي شمال سيناء من العبور لغرب السويس؟

كشف نشطاء في سيناء؛ أن قوات الأمن المصرية تمنع مرور مواطني شمال سيناء من العبور إلى محافظات غرب قناة السويس، منذ الثلاثاء.

وبحسب النشطاء، فإن أي مواطن يحوز بطاقة صادرة من شمال سيناء؛ يُمنع من العبور إلى الطرف الآخر من القناة، باستثناء الحالات الطارئة فقط.

وطبقا للإعلامي السيناوي، حسام الشوربجي، فإن "هذا القرار قد تسبب في ارتباك حركة النقل والمسافرين مع عودة عدد كبير من سيارات الأجرة والنقل".

وقال الناشط أحمد الغول، من العريش: "من امبارح العصر، الداخلية منعت كل من يحمل بطاقة شمال سيناء إنه يعدّي الناحية الغربية للقناة، يعني المتجهين لمحافظات ما بعد القناة، إسماعيلية، بورسعيد، قاهرة.. أي محافظة، ورجعتهم تاني، مبيسمحوش بس غير اللي يثبت أنه له شغل هناك، دراسة، علاج، أي حاجة تثبت أن ليك حاجة رايح تعملها هناك، ومستمر القرار حتى هذه اللحظة، وبيحصل مشاكل للناس المسافرين ومنهم كتير بيرجعوا".

وأردف على فيسبوك: "مفيش مسؤول طلع يقول حاجة، مفيش حاجة مفهومة القرار ده ليه! ولا امتى! وايه التخلف العقلي اللي خلاهم ياخدوه فجأة؟هما بيتعاملوا مع أهالي سيناء إنهم شوية بهايم مثلا يحبسوهم ويقفلوا عليهم؟ ويمنعوهم من قضاء مصالحهم؟ وإزاي أصلا يتم منع مواطن إنه يروح أي مكان في دولته؟ هو ايه اللي بيحصل ده؟ فيه ايه!".

وأكدت الحقوقية السيناوية منى الزملوط؛ هذا الأمر، وقالت عبر فيسبوك: "ولسه كل واحد سيناوي هيبقي مختوم بشعار مجهول الهوية في إيده اليمين أو رجله الشمال ورابطين في شعره شريطه حمرا، أصل بعد قناة السويس فيه القدس هناك يا جماعة واحنا ممنوعين نصلي فيه! طيب ما تبنوا علينا سور أو جدار عازل، الشباب بتاع علي القدس رايحين شهداء بالملايين ياريت تيجوا تزورونا في الشقيقه سيناء".

وأردفت: "بس الحقيقه اللي الشعب كله مش عارفها، إن هنا في سيناء اللي عايز(يهج) أو (يشرد) ناحية إسرائيل أو غزة فالحدود عادي سهل تهرب منها، آه عادي من غير ما تبحلق فيا، مصر هي أمي.. نيلها جوه دمي".

وعقّب أحمد الغول بالقول: "تخيل يا أخي مسؤولين دولة صحيوا الصبح قرروا يمنعوا سكان محافظة داخل جمهورية مصر العربية، انهم يتحركوا ويتنقلوا ويسافروا لأي محافظة تانية داخل جمهورية مصر العربية برضه! بدون سبب ولا قرار معلن ولا حتى توضيح اللي بيحصل ده بيحصل ليه؟".

وقال صلاح صقر، من العريش: "الناس فى شمال سيناء الآن كلها تتحدث عن التضييقات الأمنية، بل والمنع من التحرك من وإلى شمال سيناء، ومش سامع تماما أي تعليق، أو توضيح، أو تحرك، أو تطمين، أو تأكيد، أو نفي، من أي من نواب شمال سيناء للناس حول هذا الموضوع".

في المقابل، نفى وزير الشؤون القانونية ومجلس النواب، مجدي العجاتي، صدور مثل هذا القرار. وقال في تصريح صحفي أن وزير الداخلية قد أبلغه في اتصال تليفوني أنه لا يوجد أي قرار من الوزارة بمنع أي مواطن من المرور فى سيناء، سواء فى الأنفاق أو المعديات.

جدير بالذكر أن المادة 62 من دستور 2014 في مصر تنص على: "حرية التنقل، والإقامة، والهجرة مكفولة. ولا يجوز إبعاد أي مواطن عن إقليم الدولة، ولا منعه من العودة إليه. ولا يكون منعه من مغادرة إقليم الدولة، أو فرض الإقامة الجبرية عليه، أو حظر الإقامة في جهة معينة عليه إلا بأمر قضائي مسبب ولمدة محددة، وفى الأحوال المبينة في القانون".