#مش_عايزين_السيسي.. ردا على تعهده بالتنحي

#مش_عايزين_السيسي".. "#مش_عايزينك"؛ هكذا أجاب نشطاء عبر مواقع التواصل الاجتماعي على قول قائد الانقلاب عبد الفتاح السيسي، الثلاثاء، بأنه سيرحل "لو المصريين مش عايزيني".

وقال السيسي، في "المؤتمر الوطني الثالث للشباب" الذي افتتحه بالإسماعيلية الثلاثاء: "يا رب لو أنا صادق يصل إليكم صدقي.. قسما بالله العظيم.. قسما بالله العظيم.. قسما بالله العظيم.. لو المصريين ما عايزني ماهقعد ثانية في المكان ده.. ثانية.. (يقصد الحكم)".

وعقب خطاب السيسي، أطلق النشطاء وسم "#مش_عايزين_السيسي" الذي يحتل المركز الأول منذ الثلاثاء، بقائمة أعلى الوسوم تداولا عبر "تويتر" في مصر، ووسم "#مش_عايزينك" عبر "فيسبوك".

وعلقت الصفحة الساخرة باسم قائد الانقلاب عبد الفتاح السيسي: "حلفت اني همشي لو المصريين قالولي مش عايزينك فعملوا هاشتاج #مش_عايزين_السيسي وبقى الاول ف الوطن العربي فأنا هصوم 3 أيام عشان الحلفان بتاعي".

وقالت الناشطة الحقوقية منى سيف: "عشان بدل ما تضخ فلوس في بناء مستشفيات ومدارس وفتح حدائق عامة، اشتريت سلاح وبنيت اكتر من 14 سجن جداد #مش_عايزينك".

وقال الصحفي مصطفى النوبي: "لأجل الظلم والإرهاب والفقر والفساد والقهر والخوف والذل والرخص والدم والكره والانقسام والطائفية والعنصرية والسادية اللي ضربوا في البلد #مش_عايزين_السيسي".

وقال البرلماني السابق محمد العمدة: "#أتحداك_يا_سيسي حدد يوم جمعة لمن أراد من الشعب أن يقول لك #مش_عايزين_السيسي مع التزام معلن بعدم تعرض الأمن لهم بالاعتقال أو القتل بالرصاص".

وغرد الحقوقي هيثم أبو خليل: "رفضك للسيسي علامة جودة تدلل أنك سليم الفطرة من بني البشر والإنسانية".

وأضاف أبو خليل: "السيسي خطير محصلش إنجازاته تتحدث عنه حتى؛ علاج الإيدز بالكفتة، الجنيه أصبح بـ 5 سنت! قتل وإعتقل آلاف المصريين، والشعب مش لاقي ياكل".

وعلقت حركة شباب 6 إبريل: "#مش_عايزين_السيسي أسوأ وجه اختاره النظام الحاكم لتمثيله في 65 عاما، باع البلد وقتل وحبس الولد".

وأردفت الحركة: "غير مسبوق ما فعله في 3 سنوات من تخريب وتفريط وإهدار لمقدرات الوطن، غير مسبوق القتل والخطف والتعذيب والظلم للمصريين".

وقال الشيخ وجدي غنيم: "افتح الميادين لكي تسمع رأي الشعب وهو يقول لك ارحل #يامعفن_إرحل". 

وغرد عضو ائتلاف شباب الثورة شادي الغزالي حرب: "كدبت بدل المرة مائة مهما أقسمت بالله ماحدش بقى بيصدقك لكن حتى واحنا عارفين إنك مش هتسيبها هنفضل نقول #مش_عايزين_السيسي لحد ربنا ما يفرجها".

وقالت الكاتبة والاعلامية نادية أبو المجد: "#مش_عايزين_السيسي .. والسيسي يرد بأغنية هشام عباس: هتقولي امشي مش همشي، هتجيبلي حد يقولي امشي.. مابمشيش".

وغردت الناشطة رانيا منصور: "لو قد حلفانه يفتح الميادين وهو يلاقي أفواج مش بالهاشتاجات، هو دلوقت اللجان تطلع تتسهوك وتحب فيه في هاشتاج مضاد لده".

وعلق الإعلامي أسامة جاويش: "#مش_عايزين_السيسي ولو عنده دم وأشك في ده يرحل ويسيب ما تبقى من البلد لمن تبقى من الشعب".

وغردت شيماء محمد: "بالنسبه للي مش عاوزين بلحه عملت إيه علشان تزيحه من حكم مصر!!؟ ثوروا على الظلم لا تكونوا أبطال من ورق وأقول لنفسي هذا قبلكم".

أما عبود فرغلي، ففقد الأمل في التغيير قائلا: "الناس اللي فاكرين ومصدقين إن بلحة ممكن يمشي لو الشعب قال #مش_عايزين_السيسي .. دول ناس طيبين أوي يا خال!! هو عمل قانون الطوارئ والإرهاب ليه؟؟".