الراقصة صافيناز: خايفة أموت وأنا برقص على المسرح

أعلنت الراقصة صافيناز، احتمالية اعتزالها الرقص، مشيرة إلى مخاوفها من الموت.

وقالت صافيناز في مقابلة تلفزيونية: "بقول يا رب، قبل ما أرقص عشان مموتش على المسرح وربنا بيديني طاقة أرقص، والبعض بيقول المجتمع العربي بيرفض الرقص، طب ليه محدش بيعمل فرحة من غير راقصة؟".

وأضافت صافيناز: "أحسن شيء يحصل للبني آدم يكون عنده فرصة قبل ما يموت يصلي حتى لو عشر دقايق، وربنا عارف إني بحب الرقص ودي مشكلة حياتي وطول ما فيا صحة هرقص ولو سبته هرجع له".

وأضافت: "أنا درست التمثيل والرقص ومثلت من وأنا 14 سنة وكنت بطلة فيلم وأنا 16 سنة برا مصر، ومن وأنا سنتين ونص دخلت فيلم هندي عن الرقص فقط ومن ساعتها وأنا قررت أكون فنانة".

ولفتت إلى رحلتها إلى مصر، وقالت: "رحت قبل 2011 وقبل كده كنت متجوزة واحد أردني في شرم الشيخ وعشت فيها 4 سنين، وصاحب زوجي ساعدني أكون راقصة، والآن أنا راضية عن مكانتي واسمي الفني جدًا".

وتحدثت صافيناز عن تغير شخصيتها بعد الشهرة، قائلة: "الشهرة بتغير البني آدم ولكن أنا اتغيرت للأحسن وقبل الشهرة كنت شديدة ومش بتكلم مع الناس ولا بسلم عليهم، إنما الشهرة خلتني أحب الكل حتى لو حد مش بيحبني مش مهم".