"رضوى فين".. يتصدر التواصل بعد حبسها بسبب انتصار السيسي

لا تزال الانتقادات تنهال على النظام المصري، عقب اعتقاله فتاة هاجمت السيسي وزوجته في مقاطع مسجلة، وأرسلت استغاثة صوتية لرجل الأعمال محمد علي. 

وكان رجل الأعمال محمد علي قد نشر أمس مقطعًا جديدًا، يهدد فيه رئيس الانقلاب عبدالفتاح السيسي ونظامه بإحداث ثورة "قبل الوقت المحدد لها في خطة علي"، إذا لم يتم الإفراج عن الفتاة رضوى.

رضوى محمد فتاة مصرية نشرت عدة مقاطع مسجلة هاجمت فيها إنتصار السيسي، مؤكدة أنها تشارك السيسي في تحمل جميع جرائمه وإنتهاكاته للشعب، وأنها هي وزوجها السبب في "خراب البلاد"، وأنها ليست "زوجة مصرية أصيلة تقوم بنصح زوجها بتحمل مسؤولية الشعب وإحترامه". 

وهاجمت رضوى في مقاطع أخرى إخفاقات السيسي في إدارة البلاد، وانتهاكاته لحقوق الإنسان، وانتقدت أيضًا "فيلم زيارة السجون المفبركة" التي قام بها نقيب الصحفيين، مؤكدة أن السيسي ونظامه مرتعبون من محمد علي ويحاولون تلميع صورتهم باي طريقة. 

إقرأ أيضا: محمد علي يهدد السيسي بعد اعتقال رضوى لانتقادها انتصار

وأرسلت رضوى أمس لرجل الأعمال محمد علي رسالة إستغاثة صوتية نشرها في مقطعه وجاء فيها: "يا محمد، الأمن المركزي هنا، عندنا في الساحل، أنا مرعوبة".

وعقب انتشار مقطع محمد علي ورسائل رضوى، دشن النشطاء وسم #رضوى_فين والذي احتل المركز الأول في قائمة اعلى الوسوم تداولا في الساعات الأولى من صباح اليوم الأربعاء. 

وشهد الوسم تفاعلًا واسعًا من الاعلاميين والسياسيين المعارضين للنظام، بالإضافة إلى النشطاء الذين كالوا الاتهامات إلى النظام المصري والشرطة والجيش، بإنعدام الرجولة والنخوة، لاعتقاله أي شخص يقول رأيه حتى لو كانت فتاة صغيرة. 

الحقوقي هيثم أبو خليل أبرز المغردين عبر الوسم، قال أن من المفترض من الجيش أنه يحمي البلد، وأن "الداخلية" تقوم بإنفاذ القانون، لكن الواقع أن الجيش يقتل ويقصف الأبرياء ويفرط في أراضي مصر وثرواتها، والداخلية تقتل وتروع وتختطف وتخفي وتعتقل وتعذب المصريين.

وتابع أبو خليل: "مؤسسات البلد بدلا من أن تكون ضمانة للشعب، أصبحت عدوا يستهدف الوطن والمواطن". 

الفنان عمرو واكد أيضًا تساءل: "لحد امتى السكوت؟ الشباب دي ما تستاعل اللي بيحصل فيها ده، لو الكل اتكلم هيحصل ايه؟ هيحبسوا 100 مليون فين وإزاي؟".

المحلل والكاتب عمرو خليفة قال: "ألا تتذكرون أن خالد سعيد شخص واحد قضية واحدة، وكان شرارة الثورة؟ ورغم ذلك تختطفون فتاة جرمها الوحيد لديكم فضحكم".

الاعلامية سمية الجنايني استنكرت قائلة: "هل البلد بجهازها الامني كله مش فاضي إلا للجري وراء عيلة صغيرة بتعبر عن نفسها، ولا هي خطر عليكم، أمن الدولة وهذا النظام الغبي المجرم بيخطف البنات". 

سؤال:
ليه أي حد بيفهم حتي لو متأخر
ويقول كلمة حق..
تجد الرعب يتملك السيسي وعصابته وتجعلهم يقومون بالتنكيل بمن قالها؟
الإجابة
قالها الشاعر أحمد مطر من عشرات السنين
إثنان في أوطاننا يرتعدان خيفة من يقظة النائم : اللص .. والحاكم !https://t.co/v5l3condBr#رضوي_فين

— Haytham Abokhalil هيثم أبوخليل (@haythamabokhal1) November 12, 2019

#رضوى_فين هل البلد بجهازها الأمني كله مش فاضي الا للجري ورا عيلة صغيرة بتعبر عن نفسها ..
ولا هي خطر عليكم!
بحمل الجميع في مصر سلامة البنت،ولا هنستنى تكرار زبيدة ثانية!!
امن الدولة وهذا النظام الغبي المجرم..بيخطف البنات

— سمية الجناينى (@somayyaganainy) November 12, 2019

انا صعبان عليا جدا البنت اللي اسمها رضوى. كل اللي عملته هي انها فاض بيها وعبرت عن رأيها. والنتيجة كلنا عارفينها. لحد امتى السكوت؟ يا ناس حرام عليكم والله الشباب دي ما تستاهل اللي بيحصل فيها ده. لو الكل أتكلم هيحصل ايه يعني؟ هيحبسوا 100 مليون فين وإزاي؟ 100 مليون. 100 مليون.

— Amr Waked (@amrwaked) November 13, 2019

احنا هنفضل مقضينها سوشيل ميديا؟! هنشيل ولاد الكلب دول امتى؟هتفضل ساكتين لامتى؟ البنت الغلبانه رضوى دي ذنبها ايه تتخلوا عنها و غيرها و غيرها!انزلوا اعترضوا انزلوا قولوا لا كفايه فجور واعتقالات، حرية الرأي مكفوله للجميع، الوطنيه مش جريمه و لا رايك جريمه لو مش على هواهم!#رضوى_فين

— دينا الحناوي Dina H (@dinaelhenawy82) November 12, 2019

دا الجيش طلع واخدنا غسيل ومكواه
يانهار اسووح ياجدعان دا احنا مسروقين
من أيام جيش هامان والله حسبنا الله ونعم الوكيل فيهم والناس مش لاقيه تأكل رغيف حاف حتي وهما بيلعبوا بالمليارات لعب??#يسقط_حكم_العسكر #رضوي_فين#علاء_زوبع_فين

— ?®?حـ?????ــــلْـــيمـ?????ــة™? ? (@Rabab2mostafa) November 12, 2019

#رضوى_فين
صوت من أصوات كتير عايزة تقول لنظام ظالم كفاية فساد وسرقة ضيعتوا مصر
صوت عالي يمكن الشعب يفوق ، رضوي اعتقلت علشان انتقدت النظام في فيديو مش نزلت الشارع ولا حاجة !!!#السجون_في_مصر pic.twitter.com/b5xFrs6SY7

— pery Ahmed (@Ghalia_2_44) November 12, 2019

مصر معدش فيها رجالة..??
يا ام فاروق..مصر معدش فيها رجالة.. ??
يا عم حسين يا بقال.. مصر معدش فيها رجالة..
وانت كمان ياعم حسين مش راجل..أيوه أنا اللي بقولك??..يا ام زكي قولي لزكي مصر معدش فيها رجالة.. وزكي كمان مش راجل يا حبيبتي ??????????
رضوى فين يا ولاد الجزمة؟!!????#رضوى_فين pic.twitter.com/U3BAlLJnxW

— ??جـارة القـمـر?? (@jaratolqamar666) November 13, 2019

الشعب الي يعتقلو بناتو ويسكت هذا شعب بلا شرف ..مثل تماما لما اعتقلو النساء بدمشق والناس سكتت اظن انو الله عم يعمل فينا كل هذا كرامه كل معتقله دعت على الناس الي ما طلعت القادم اسواء يا شعب مصر العظيم #رضوي_فين pic.twitter.com/7HRw7960kP

— ليلى المهلهل (@iliciatota) November 13, 2019

أنتم أغبياء.
ألا تتذكرون إن خالد سعيد، شخص واحد، قضية واحدة، كانت شرارة الثورة؟
و رغم ذلك تختطفون فتاة مصرية جرمها الوحيد فضحكم. #رضوي_فين يا خونه العهد؟ pic.twitter.com/WIUPoBmHtY

— Amr Khalifa (@Cairo67Unedited) November 12, 2019

الرأي بيتسمع بيتناقش بيترد عليه بالرأي الآخر بيتحلل بينتقض، لكن مش بيعاقب. الرأي مش جريمة. #رضوي_فين

— شيماء (@ShaimaaFathiSaw) November 13, 2019